Statistikksamlaren
Pdf-fil (476 Kb)
12. november 2003
Kenneth Strømsøy
Etter ein brutal sesong i tredjedivisjon, kan Øie trøyste med at det har vore verre før: I år fekk laget fire poeng etter ein siger og ein uavgjort, men i 1966, i det som heitte fjerde-
divisjon den gongen, sanka ikkje laget meir enn eitt lite poeng. Stordal gjekk på ti tap på rappen, og fekk det største tapet nokon gong: 12-0 borte mot Brattvåg. Året etter gjekk det ikkje mykje betre, og laget stupte rett i sjettedivisjon.
– Den største sigeren nokon gong kom mot Guard i serie-
avslutninga i 1991. Stordal vann 11-0 heime på Kirkebø stadion, seier Øie. I same kampen tok Charles Tøsse over skåringsrekorden i klubben.
Gullåret
1991 var gullåret for Stordal IL, etter det John Øie seier: Laget fekk femteplass i tredjedivisjon, som er den beste plasseringa nokon sinne. Laget kom òg til finalen i Postsparebankcupen, der dei tapte på straffekonkurranse for Ivrig frå Tønsberg. Denne cupen var for alle laga som ikkje fekk vere med i Noregsmeisterskapen, det vil seie for alle frå nedste helvta av tredjedivisjon og nedover. Året etter fekk Stordal for første, og hittil siste, gong vere med i NM, og kom til andre runde. Stordal slo Stranda i første runde og vart slått ut etter ekstraomgang-
ar mot Åndalsnes, eit lag som hadde rykt ned frå den nest øvste divisjonen året før.
I 1990 hadde SIL rykt rett opp frå femte- til tredjedivisjon. Dette var nemleg det året eliteserien vart innført, og gamle andredivisjon vart kutta frå to avdelingar til ein og kalla førstedivisjon, fortel Øie. Laget heldt seg fem sesongar i tredje-
divisjon, og sparka godt frå seg.
– I desse åra spelte Stordal verkeleg god fotball, meiner John Øie. – Det var praktisk
talt berre stordalingar på laget, og det var 200 til 300 betalande tilskodarar på kvar kamp. Trenaren var Jarle Ødegård, og laget spelte i 5-3-2-formasjon. Det er ein formasjon eg aldri har sett att, men som eg etterlyser.
Historier
Den lågaste divisjonen Stordal har spelt i etter 1953, har vore heilt på botn. I 1977 (omtrent) kjempa både Stordal og Valldal om opprykk til sjuandedivisjon. John Øie fortel at då laga skulle møtest i den siste og avgjerande kampen på Kirkebø stadion, kom den noko eksentriske
stordalstrenaren Per Rich Hunstad til Stordal med sjøfly. Stordal vann kampen 2-1 og forlet kjellardivisjonen for godt.
Stordal har òg skapt oppstyr langt inn i Akersgata: I 1980 spela laget borte mot Fjørtoft, og vann 0-2. Akkurat dét var nok ikkje så pussig, men begge måla vart skåra på utspel frå målvakt Jan Ivar Haraldsvik! Det fekk VG til å bruke to sider på saka, ler Øie.
Elles kunne oppstyret kring innmeldinga til serien i 1953 truleg vore verdt eit skriveri i seg sjølv: – Det var mykje
skepsis mellom gamlekarane. Dei meinte seriespel ville for-
plikte for mykje, og var redde for at fotballspelinga ville kome i vegen når det var mykje arbeid på gardane. Derfor var det ei dramatisk avgjerd som vart teken den gongen, hevdar John Øie.
* Til saman har Stordal skåra 1610 mål, inkludert 38 sjølvmål frå motstandarane.
* Det første seriemålet kom i 1953, mot Brattvåg. Målskårar var Karl Busengdal.
* Første siger kom borte mot Herd same året. Kampen gjekk på Eggesbønes i Fosna-
vågen, og resultatet vart 0-1 til Stordal.
* Det laget som Stordal har møtt flest gongar i serie og cup, er Emblem. Laga har
møttest til saman 38 gongar, og Stordal har fått 14 sigrar, 13 uavgjorte og 11 tap.
* Stordal har aldri tapt ein kamp i Trøndelag.
* I ein periode i 70-åra spelte alle dei sju Stavseng-brørne for Stordal, og i eit par kampar var seks av dei på bana til same tid.
*Stordal har aldri spelt mot AaFK før dei møtte AaFK 2 i serien i år. Men laga skulle møte kvarandre i «Best på Sunnmøre»-cup i 1989, på Kirkebø-grusen. Men trenaren til Aalesund, ein viss Egil Roger Olsen, nekta å spele på grus, og Stordal gjekk vidare på walkover.
*– Den beste spelaren nokon gong på Stordal – og det er heilt utan tvil, seier John Øie – er Jostein Tårn frå Liabygda. Han skåra 70 mål på 119 serie- og cupkampar, men la opp allereie då han var midt i 20-åra.