Songen om ein helt vann
28. januar 2004
Ingrun Myklebust
prisen under kulturmønstringa for ungdom i Eidsdal søndag. Dei song tostemt Enrique Inglesias’ «Hero». Janne Gry Årdal vann også publikum sin gunst med teikninga «Ansikt».
Først ut på scena denne ettermiddagen var Karoline Gjerde (10) frå Valldal med piano-
stykket «Ludvig». Etter henne følgde Lina Ødegaard (12) på med «Boure» på piano. Det var ingen tvil om at det låg arbeid bak desse framføringane. Det gjorde det også bak innslaget til linedance-gruppa frå Valldal som brukte heile scena i ei frisk oppvising. Fire jenter frå Fjørå framførte sketsjen «Glassruta», der den usynlege ruta fekk gjennomgå av både vaskekona, klovnen og karate-jenta til ho til slutt knuste.
«Trialgutta» Jonas S. Uri (11) og Eivind Sylte (10) frå Valldal hadde gjennomført stil og stor ro på scenen i sin «Boogie Blues».
Tolvåringane Lina Ødegaard og Sandra Matheussen song «Ei hand å halde i» akkompagnert av Vidar Skogly. Det blei viltert liv på scena då fem jenter frå Eidsdal og Norddal framførte sketsjen «Prinsessen på erten». Tre jenter i gruppa «UKM powers» frå Eidsdal hadde lagt arbeid i koreografien på dansen dei framførte til slutt.
Innimellom sceneinnslaga kunne publikum nyte ei variert utstilling teikningar og måleri. Kvaliteten på arbeida var høg. Arrangørane frå tiande klasse sørga for at det var pizza og kaker å få kjøpt under kulturmønstringa. Programleiarar var Bjørn Johan Storås og Malin Hollum. Thomas Melchior Ytterdal hadde det tekniske ansvaret under scene-showet.
