Olivinuttak ved Onilsavatnet
TC-Maskin skal utvinne og knuse 3000 tonn olivin og skipe det ut av Tafjord før september er omme.

15. september
Alfred Nilsen
Audun Walle (t.v.) på jobb saman med Stig Rune Grønning, for tida utleigd frå Gjerde Maskin.
Audun Walle seier han har ein avtale med Novemco om å levere 3000 tonn, og reknar med at dette allereie er selt. Det skal knusast til 0,50 masse (singel) og køyrast ned til Tafjord og lastast direkte om bord i båt.
Går alt på skinner, vil framtida kunne gi ein produksjon på 100.000 tonn i ei tre-årsperiode, det ein har driftsløyve på. Blir det heile ein suksess, kan ein produsere heile 350.000 tonn kvart år langt inn i framtida. Det er rikeleg å ta av. Då må det investerast ein heil del, 5-6 millionar kroner berre i bruddet og ein del på utskipingshamna. Dette vil kunne gi hardt tiltrengde arbeidsplassar.