Fotballavslutting
Førre tysdag vart fotballsesongen 2007 avslutta med ei tilstelling i Ungdomsklubben i Stordal.

12. desember 2007
John Kristian Hjelle

Jenter 11 år fekk litt ekstra merksemd på markeringa. Det var desse jentene som under Stordalscup tidlegare i år var med på ”God helse”-satsinga med sal av frukt frå eigen stand og som utkledde i flotte drakter hadde fleire innslag både inne og ute.
Her fekk spelarane på aldersbestemte lag utdelt velfortente diplom og skryt for innsatsen sin gjennom sesongen.
Gav frå seg diplomet
Ordførar Charles Tøsse orienterte om kåringa av Stordal kommune som ”Årets fotballkommune”, og gratulerte alle. Han overrekte diplomet kommunen har fått frå Sunnmøre Fotballkrets til leiaren i driftsstyret for Stordalshallen, Birgit Bratland. Ho skal sørge for at det vert hengt opp på ein passande stad i Stordalshallen.

Jenter 11 år
Jenter 11 år fekk litt ekstra merksemd på markeringa. Det var desse jentene som under Stordalscup tidlegare i år var med på ”God helse”-satsinga med sal av frukt frå eigen stand og som utkledde i flotte drakter hadde fleire innslag både inne og ute. Denne innsatsen resulterte i at Stordal IL som eit av tre idrettslag i Noreg fekk tildelt 5000 kroner som premie i konkurransen ”Beste salgsbod med spiseklar frukt”.

Diskotek
Etter den meir formelle delen av arrangementet var det pølser og brus, og den som ville kunne enten danse til dunkande rytmer eller spele biljard, bordtennis eller noko anna av alt det ungdomsklubben kan by på i lokala sine.