Premiert fotojeger
16. januar 2008
Alfred Nilsen
– Å fotografere det eg opplever i naturen når eg likevel er på tur gir mykje til meg og forhåpentlegvis til andre også, seier ein kledeleg beskjeden Vegard Lødøen.
NM i naturfoto
Når året er omme, blir resultata lagt saman og på den lista finn ein Vegard Lødøen på ein sjuandeplass. Årets fotojeger, på den lista er Vegard på ein sjetteplass.
– Dette er ein hobby for meg, noko eg likar veldig godt, seier Vegard Lødøen. – Eg er mykje på tur og då er det lett å ta med seg kameratet, legg han til.
Det er ein del kritieriar som skal oppfyllast med eit godt naturbilete. Det er ikkje berre å få tatt eit bilete av eit dyr eller ein fugl. Helst skal det vere noko spesielt som skjer eller at dyra blir skildra i eit miljø.
Planlegging, meir enn halve jobben
– Eg planlegg mykje før eg tar med kameraet ut i naturen. Det er alltid eit spørsmål om å vere på rett stad til rett tid. Eg ferdast mykje i naturen og då skaffar eg meg erfaring som eg tek i bruk. For å vere med på fotokonkurransar må eg gjerne ta bilete over ein periode på to år, for å ha eit utval å velje i. Eg brukar stort sett naturen rundt meg her i Norddal kommune, den kjenner eg best, seier han.
Unntaket er biletet som gjekk til topps i niande runde i Villmarksliv, bilete av ei havørn som snappar opp ein fisk frå vatnet. Det biletet tok han i Nord-Trøndelag. Vil du sjå foto Vegard Lødøen har tatt, finn du mange av dei på foto.no.
