Bønnesenter i tafjord

	Bønnesenter i Tafjord
					Solbjørg og Per Bjørlykhaug har lenge hatt lyst til å etablere ein stad der folk kan møtast og ta vare på kvarandre. Eit tverrkyrkjeleg samarbeid mellom menneske der Gud kjem først.
						25. juni 2008 Alfred Nilsen
		– Dette skal bli spennande og vi gler oss til å ta fatt på oppgåvene som kjem, seier frå venstre Per Bjørlykhaug og Solbjørg Bjørlykhaug. Tone Opstad og Bjørn Rune Forsland er eigarar og skal ikkje vere med i den daglege drifta.
		Det er Tone Opstad som saman med mannen Bjørn Rune Forsland, har kjøpt Fjordheim Gjestegård i Tafjord. – Vi er heilt i startfasen og er ikkje heilt sikker på korleis dette vil bli, seier Tone Opstad, som nettop har tatt over. Oppgåvene som tidlegare eigar Tove Olsvik hadde for Tafjord Kraft, slik som overnatting for arbeidarar og servering av skuleklassar på Kraftverksmuseet, har dei vidareført. Drivarar Det er Solbjørg og Per Bjørlykhaug som skal drive staden. Dei er no pensjonistar etter mange år med kriste arbeid i Israel. – Vi er så glade for at vi no skal etablere eit bønnesenter her i Tafjord, seier Solbjørg. – Dette er ein flott plass som passar godt til dette føremålet, legg ho til. Ho smiler over heile andletet og er heilt klar for denne oppgåva. – Det er mange oppgåver ein kan ta fatt på om ein vil hjelpe andre menneske, og hit håper vi det kjem folk som vil hjelpe andre og seg sjølve. Eg har sjølv mykje eg vil fortelje og vitne om, og at Gud er god, ja, det er det ingen tvil om, seier ho. Skummelt Folk snakkar sjølvsagt når slikt skjer i ei lita bygd. Så på bygda er det ei sekt som skal ta over Fjordheim og dei skal sjølv- sagt kaste ut baren. Dei skal ikkje servere alkokohol, det er sant, men ei sekt, det er dei ikkje. – Vi håper at dette kan bli eit tverrkyrkjeleg samarbeid, seier Solbjørg Bjørlykhaug og understrekar at dei er heilt i startgropa og at ting vil falle på plass etter kvart. Dei er strålande nøgde med plassen og heile gjengen er berre eit stort smil, ikkje akkurat skummelt.