Tjuvfiske på lam i Stordal?
Johan Øvrebust fekk seg ei overrasking då han skulle vege lamma i førre veke.

16. oktober 2008
John Kristian Hjelle

Dette er nok ikkje rette redskapen til å fange verken lam eller kre på Langsætrane. Foto: Johan Øvrebust.
Då han hadde sanka saman sauene i førre veke og dreiv og vog, fann han ein fiskesluk i ulla på eit lam.
– Eg har høyrt frå andre stader at dette er ein metode som vert nytta for å tjuvfange lam, seier han.
Om det er det som har skjedd her, veit han ikkje, men han trur ikkje at det er så mange som nyttar stingsild til å fiske etter kre på Langsætrane... Han mangler elles ikkje noko lam i år.