Stort renn i snøbyger
Søndag var det Sparebanken Møre-cup på Valldal stadion. Fram til laurdag kveld preparterte arrangørane løypene med ikkje altfor mykje snø. Søndag snødde det heile dagen.

7. januar 2010
Alfred Nilsen

Løparane på veg inn i skogen frå stadion i tett snøveret.
Men vêret kan ein ikkje gjere noko med, så her starta om lag 140 motiverte deltakarar i snøbygene. Arrangørane hadde vorte spurt om dei kunne arrangere duathlon. Ikkje mange plassar passar for denne typen løp der dei skiftar ski og stil undervegs.
– Det trengs mykje plass og det er mange reglar som skal følgjast. Men her på stadion har vi plass og heldigvis mange som stiller for å få gjort alt som skal til, seier Geir Myklebust, som var rennleiar denne søndagen.

Duathlon
Med så mange løparar brukar dei samfunnshuset i Valldal som garderobe. Framme på Omenås var det hektisk aktivitet med smøring av ski i garasje og oppsette telt. Dei yngste deltakarne starta først og gjekk kun fristil i ein til to kilometer. Då løparane kom i alderen 13 år, byrja dei med ski- og stilskifte og lengre distansar.
Med så mange løparar som satsar, er det ikke like lett å hevde seg. I klassa gutar 13 år kom stordalingen Per Ivar Kjersem Vestre og Hallvard Lied frå Liabygda på ein 9. og 10. plass om lag ti minutt etter vinnaren. I same aldresklasse for jenter vann stordalingen Martine Lorgen Øvrebust med ein margin på 30 sekund. Sambygdingen Jenny Marita Sørås kom her på ein god femteplass.

Bra resultat
I klassa jenter 14 år var det tett med stordalingar. Tiril Olin Vestre Røkke kom inn på andreplass berre fem hundedelar etter vinnarane.
I klassa gutar 15 år kom stordalingen Robert Sørås inn på andreplass med like liten margin, og i klassa over kom Trond Marius Vad inn på ein flott tredjeplass berre 11 sekund etter vinnaren.
Talentet frå Stordal, Geir Marius Øie, i klassa menn 18 år kom inn på ein andreplass berre 12 hundredelar etter vinnaren. Lars Anders Hoel vann si
klasse.