I morgon, laurdag, kjem Storfjordnytt i ei postkasse nær deg
Skjermleser
Denne siden har en skjermleser som leser opp teksten i artikkelen. Du kan styre skjermleseren med knappene.
Trykk på for å starte skjermleseren.
Trykk på for å pause skjermleseren.
Trykk på for å stoppe skjermleseren.
Trykk på for å lese denne informasjonen igjen.
Skjermleseren velger en tilgjengelig norske stemmer fra din nettleser.
Har du problemer eller innspill til skjermleseren, så meld det inn til avisens kundeservice.
Det er lovnaden frå Nordvest Distribusjon i dag.
Ingen av Storfjordnytt sine abonnentar i Fjord kommune som får avisa si levert av avisbodet, har fått avis. Abonnentane som får avisa levert med Posten derimot, fekk avisa som vanleg i går.
Ifølgje Geir Follestad hos distribusjonsfirmaet har det skjedd eitt eller anna krøll, enten i produksjonen eller distribusjonen. Det pågår no eit arbeid for å finne ut av kva som har skjedd, kvifor det har skjedd og kvar avisene har gjort av seg – om eksisterer.
– Berre for å ha sagt det, avisbodet er skuldfri i dette. Vi må finne ut av om avisene er blitt feilsorterte eller om dei i det heile tatt er produserte, seier Follestad.
Storfjordnytt-redaksjonen er blitt lova at trykkeri og distribusjon saman vil finne ei løysing – og Follestad seier at Storfjordnytt uansett vil bli distribuert til natta.
Vi i redaksjonen kan ikkje anna enn å seie at vi synest det heile er svært trasig – og vi håper dette ikkje skjer igjen.