Fjord kommune melder på heimesidene sine at det i går kveld vart meldt to positive smittetilfeller i Stordal. Ein av dei smitta var i innreisekarantene.
Ein av dei smitta har vore på arbeid i helse og omsorg i dagane før påvist smitte. Dette medfører ei rekkje nærkontaktar i sektoren. Dei som er fullvaksinerte er unntatt smittekarantene, og kan arbeide som før.
Det er ikkje krav eller anbefaling om testing av desse anna enn ved nyoppståtte luftvegssymptom, men vi tar imot alle som ønsker å teste seg. Dei som har fått ei dose av covid-19 vaksine, må testast dag tre og sju etter nærkontakt. Desse kan arbeide i påvente av prøvesvara. Dei som ikkje er vaksinert er sett i karantene.
Vi følgjer anbefalingane til FHI. For meir informasjon om kven som er unndratt smittekarantene kan du lese her.
Vi minner om at folk må fortsette å utøve godt smittevern i kommunen.