Informasjonsmøte med Fjord kommune
Skjermleser
Denne siden har en skjermleser som leser opp teksten i artikkelen. Du kan styre skjermleseren med knappene.
Trykk på for å starte skjermleseren.
Trykk på for å pause skjermleseren.
Trykk på for å stoppe skjermleseren.
Trykk på for å lese denne informasjonen igjen.
Skjermleseren velger en tilgjengelig norske stemmer fra din nettleser.
Har du problemer eller innspill til skjermleseren, så meld det inn til avisens kundeservice.
Til liks med dei fleste kommunar i Norge står også Fjord kommune overfor krevjande utfordringar som må løysast gjennom omstillingsprosessar. For å få til gode prosessar er det viktig å vere gode på å informere. Fjord kommune vil derfor starte opp med opne informasjonsmøte der ordførar og kommunedirektør/kommuneadministrasjonen tek for seg ulike tema, det fortel ordførar Terese Jemtegård Moen i ei pressemelding.
Informasjonsmøta vil veksle mellom å bli arrangert i Valldal, Stordal og Eidsdal, med ulike tema for kvar gong. Her kan alle som vil møte opp for å få informasjon, og det blir også mulegheit for å stille spørsmål og få svar. Det vert lagt vekt på å informere om korleis ein kan medverke og kome med innspel til dei prosessane som er på gang.
Torsdag 7. november vert det arrangert informasjonsmøte i Grendasalen i Stordalshallen med tema eigedomsskatt, bustadutviklingsprosjekt og pågåande planarbeid. Alle som er interesserte i tematikken er velkomne; innbyggjarar, næringsdrivande, fritidsbustadeigarar m.fl.
