Kom og høyr hornmusikken spele NM-stykket sitt
Skjermleser
Denne siden har en skjermleser som leser opp teksten i artikkelen. Du kan styre skjermleseren med knappene.
Trykk på for å starte skjermleseren.
Trykk på for å pause skjermleseren.
Trykk på for å stoppe skjermleseren.
Trykk på for å lese denne informasjonen igjen.
Skjermleseren velger en tilgjengelig norske stemmer fra din nettleser.
Har du problemer eller innspill til skjermleseren, så meld det inn til avisens kundeservice.
Om to veker pakkar musikantane i Valldal hornmusikklag saman noter og instrument og reiser til Trondheim. Der er det nemleg NM i janitsjar, der korps frå heile landet deltek.
Ettersom det er mange år sidan hornmusikken deltok sist, må vi starte i sjuande divisjon, altså den lågaste divisjonen. Så er det å håpe at vi har sjansen til å «jobbe» oss opp derifra etter kvart.
Vi skal spele eit stykke som heiter «The Flood» og komande laurdag og søndag skal vi øve. Mykje.
Men så treng vi også øving i å spele NM-stykket vårt for publikum, derfor inviterer vi alle som har lyst opp i kultursalen på Martin Linge-huset søndag. Så får korpsinteresserte publikummarar høve til å høyre oss spele NM-stykket, og vi får for første gong øvd oss på å spele det for publikum. Det kan vere nyttig å ha gjort det – før det vert alvor om kvelden fredag 15. mars i Trondheim.
Alle som har lyst til å høyre på og samtidig hjelpe oss med å øve på å spele for publikum, er hjarteleg velkomne til å ta turen søndag.