Det er grensejustering det handlar om
Skjermleser
Denne siden har en skjermleser som leser opp teksten i artikkelen. Du kan styre skjermleseren med knappene.
Trykk på for å starte skjermleseren.
Trykk på for å pause skjermleseren.
Trykk på for å stoppe skjermleseren.
Trykk på for å lese denne informasjonen igjen.
Skjermleseren velger en tilgjengelig norske stemmer fra din nettleser.
Har du problemer eller innspill til skjermleseren, så meld det inn til avisens kundeservice.
Vi viser til vedtak i Stranda kommune i førre veke i sak om grensejustering for Liabygda, og leiar i Storfjordnytt 13.02.2025.
Det er grensejustering det handlar om. Vi har alle gått til val på at Fjord kommune skal lukkast. Kommunesamanslåing er ikkje ei aktuell problemstilling no.
I oktober 2024 fekk Fjord, Stranda og Sykkylven kommunar innvilga prosjektskjønn-midlar frå Statsforvaltaren for å utgreie på kva område ein kan sjå for seg å samarbeide tettare i framtida. Fjord kommune har også ein del interkommunale samarbeid som strekkjer seg mot Ålesundsregionen, og vi har signalisert at vi ønsker å følgje tett på arbeidet som desse fire kommunane gjer for å sjå på kva område ein kan samarbeide tettare i framtida.
Det er innbyggjarane i Liabygda som har fremma søknad om grensejustering. I denne saka bør ein legge vekt på kva det er søkt om og kva innbyggjarane i Liabygda meiner er det beste for dei, og ikkje blande inn heilt andre politiske spørsmål som berre vil forsinke avgjerda. Vi samarbeider godt i dag, og det skal vi også gjere i framtida.
Ordførar, varaordførar og
gruppeleiarar i Fjord Sp, Ap, SV, H og Frp
