Helene Bøksle til Geiranger – vårkonsert i storslåtte omgjevnader
Skjermleser
Denne siden har en skjermleser som leser opp teksten i artikkelen. Du kan styre skjermleseren med knappene.
Trykk på for å starte skjermleseren.
Trykk på for å pause skjermleseren.
Trykk på for å stoppe skjermleseren.
Trykk på for å lese denne informasjonen igjen.
Skjermleseren velger en tilgjengelig norske stemmer fra din nettleser.
Har du problemer eller innspill til skjermleseren, så meld det inn til avisens kundeservice.
Laurdag 26. april kl. 18.00 inviterer Festspela i Geiranger i samarbeid med Hotel Union til ein unik vårkonsert med Helene Bøksle i Geirangersalen. Med si magiske røyst og sterke tilknyting til natur og tradisjon, er Bøksle ein artist som passar perfekt inn i fjordlandskapet.
Konserten markerer eit nytt steg i utviklinga av Festspela som heilårsarrangør. Sjølve festivalen går av stabelen 25.–28. september, men allereie no i april får publikum ein forsmak på det som ventar – i form av ei intim og stemningsfull konsertoppleving med ein av landets mest profilerte artistar.
Helene Bøksle har begeistra publikum i over to tiår, med ni soloalbum, sterke sceneproduksjonar og musikk som har blitt strøymd millionar av gongar. I 2024 feira ho sitt 20-årsjubileum som artist med utselde framsyningar – frå «Elverhøy» i Ravnedalen til ein storslått finale i Oslo Spektrum. I 2025 kjem ho med ny musikk og held konsertar på nokre av dei vakraste stadene i Noreg – inkludert Geiranger.
– Det er ei ære å få spele i Geiranger. Naturen her rører meg djupt, og det å få dele musikken min i eit slikt landskap er heilt spesielt, seier Helene Bøksle.
Med denne konserten ønskjer Festspela å skape nye møtepunkt mellom musikk og natur – året rundt.
