På ettermiddagen måndag var det stor aktivitet ved Valldal sjukeheim og bygget for Open omsorg. Blomster og jord var innkjøpt, og folk møtte opp med utstyr som kunne brukast til det meste.
Det vart planta i krukker, pyramide og verandakasser, bærtrea fekk stell, ugras vart fjerna frå heller og plen, og skvallerkålen er borte vekk! Men det varer nok ikkje lenge!
Denne gongen søkte vi om midlar frå gåvekontoen på sjukeheimen, og vi fekk 5000kr for å bruke til blomster. Heimen har også kjøpt inn nye bord og stolar til hagen, og det vart retteleg fint.
Stor takk til Linge gartneri for rikeleg gratis lobelia og gjødselfrø, og til kjøkkenet som stilte med kaffi og kake.
Kjempestor takk til gjengen på 18 som jobba strålande for å få det så fint som mogleg.
No må det lagast vatningsliste for sommaren!
Kjekt å arrangere med så mange gode hjelparar!
Helsing,
Sansehagegruppa, Valldal Helselag,
Valldal bygdekvinnelag og Pårørandeforeninga
